Бишкек, 15.07.26 /Кабар/. Баткен облусунда милиция тарабынан чет өлкөлүк жумушчулар арасында түшүндүрүү иштерин жүргүзүүдө
Милициянын маалыматына ылайык, иш-чаралардын алкагында чет өлкөлүк жарандар эмгек ишмердүүлүгүн жүргүзүп жаткан ири ишканаларда жана уюмдарда маалыматтык-түшүндүрүү жолугушуулары өткөрүлдү.
Тактап айтканда, облус аймагында эмгектенип жаткан чет өлкөлүк жарандар жана жарандыгы жок адамдар арасында Кыргыз Республикасынын миграциялык мыйзамдарынын талаптарын, коомдук тартипти, адеп-ахлактык, этикалык жана маданий жүрүм-турум эрежелерин сактоо боюнча кеңири түшүндүрүү иштери жүргүзүлдү.
Ошондой эле президенттин 2026-жылдын 24-июнундагы №233 жарлыгын ишке ашыруунун алкагында чет өлкөлүк жарандардын жана жарандыгы жок адамдардын өз укуктук абалын ыктыярдуу түрдө мыйзамдаштыруу тартиби боюнча кеңири маалымат берилди.
