Бишкек, 07.04.26 /Кабар/. Күн мурун Баткен шаарынын 8-Март көчөсүндөгү үйлөрдүн биринде өз короосундагы суу кудугуна түшүп кеткен 65 жаштагы жаран куткарылды. Бул тууралуу Өзгөчө кырдаалдар министрлиги билдирди.
ӨКМге бул тууралуу билдирүү саат 16:44тө келип түшкөн. Окуя болгон жерге Үчүнчү өзүнчө издөө-куткаруу отрядынын куткаруучулары тартылган.
Алардын ыкчам аракетинин натыйжасында саат 16:49да аталган жаран кудуктан чыгарылып,тез жардам кызматкерлерине өткөрүп берилген.
