Бишкек, 30.04.25. /Кабар/. Баткен облусунун Кадамжай районунун Майдан айыл аймагынын Сары-Алтын айылынан агып өткөн Кожо-Кайыр каналына чакан ГЭС курулууда.
Президенттин аймактагы өкүлчүлүгүнөн билдиришкендей, ГЭСтин кубаттуулугу саатына 650 КВТ электр энергиясын өндүрөт.
Белгиленгендей, өндүрүш ишканасын 2025-жылдын 31-августуна пайдаланууга берүү пландалган.
Ишкананы курууга жалпы 440 миң АКШ доллары инвестиция болууда. Анын ичинен 25 млн сому Кыргыз-Орус Өнүктүрүү фондунан насыя берилген.
"ГЭСтин курулушу менен 10 жумуш оруну түзүлүүдө жана жергиликтүү деңгээлде электр энергиясына болгон муктаждык жеңилдейт",-деп айтылат маалыматта.
