Бишкек, 20.06.26. /Кабар/. Баткенде Кан – Тунук-Суу – Сары-Талаа жолунун 5 чакырымына асфальт төшөлө баштады. Бул тууралуу өкүлчүлүктөн билдиришти.
Маалыматка ылайык, аталган жол каттаган Баткен районунун Кан, Тунук-Суу, Сары-Талаа айылдарында 3 миңден ашык тургун жашайт.
Андан ары бул жол Сары-Талаа – Зардалы жолуна туташат.
Белгилей кетсек, быйыл облус боюнча 203 чакырым жолду асфальттоо пландалган.
"Ал эми жалпы планга кирген жолдун узундугу 545 чакырымды түзөт. Мунун ичинде быйыл жана келерки жылдарда жасала турган шагыл жолдор да бар",-деп айтылат маалыматта.
