Бишкек, 28.10.26. /Кабар/. Баткен облусунда милициянын инфраструктурасын жакшыртуу максатында быйыл 14 объекттин курулушу пландалган.
Облустук милициянын маалыматына караганда, анын ичинен 9 объекттин курулушу аяктап, Кыргыз милициясынын 102 жылдыгына карата ачылышы күтүлүүдө.
"Учурда Баткен шаарында кызматтык көп кабаттуу турак үйдүн, бала бакчанын жана райондук ички иштер бөлүмүнүн курулушу уланууда. Быйыл Нооруз майрамында облустагы милициянын беш объектиси ачылган", - деп айтылат маалыматта.
Мындан тышкары, эксперттик-криминалистикалык кызматтын материалдык-техникалык базасы чыңдалып, өз алдынча химиялык лаборатория ишке киргизилген. Ошондой эле милициянын кызматтык автопаркы 12 унаа менен толукталган.
