Бишкек, 01.06.26. /Кабар/. 1-июнь – Балдарды коргоонун эл аралык күнүнө карата Баткен облусунда майрамдык иш-чара уюштурулду.
Президенттин аймактагы өкүлчүлүгүнөн билдиришкендей, ага жүздөгөн балдар, ата-энелер, мугалимдер жана коомчулук өкүлдөрү катышты.
Майрамдык салтанатта сөз сүйлөгөн президенттин өкүлү Мамыржан Рахимов мамлекет балдардын билим алуусу, ден соолугун чыңдоо жана ар тараптуу өнүгүүсү үчүн бардык шарттарды түзүүгө өзгөчө көңүл бурулуп жатканын белгиледи. Ал жаш муундарга бекем ден соолук, бактылуу балалык жана окууда ийгиликтерди каалады.
Иш-чаранын жүрүшүндө балдар үчүн концерттик программа тартууланды. Ошондой эле түрдүү оюн-зоок, чыгармачылык сынактар уюштурулуп, активдүү катышкан балдарга белектер жана сыйлыктар тапшырылды.
Эл аралык балдарды коргоо күнүнө арналган майрамдык иш-чаралар облус аймагындагы бардык район-шаарларда өткөрүлүп, миңдеген балдар үчүн майрамдык маанай тартууланды.
