Бишкек, 18.06.25. /Кабар/. Баткенде “Зордук-зомбулукка каршы күрөшүү бардыгыбыздын милдетибиз” деген ураан менен акция болуп өттү.
Президенттин Баткен облусундагы өкүлчүлүгүнөн билдиришкендей, иш-чаранын максаты коомчулукту үй-бүлөлүк зордук-зомбулуктун алдын алууга үндөө болуп саналат.
Акциянын алкагында жөө жүрүш да уюштурулуп, ага өкүлчүлүктүн аппаратынын социалдык өнүктүрүү бөлүмүнүн башчысы Кызжибек Тагаева баштаган социалдык коргоо тармагынын кызматкерлери, жергиликтүү бийлик органдарынын өкүлдөрү, аялдар кеңештеринин мүчөлөрү катышты.
