Бишкек, 25.04.25. /Кабар/. Бүгүн Баткен шаарында финансылык алдамчылыктын алдын алуу, кибер кылмыштуулк менен күрөшүү жана коррупцияга каршы аракеттер тууралуу мыйзамдардын аткарылышы боюнча жыйын болуп өттү.
Өкүлчүлүктөн билдиришкендей, аны президенттин облустагы өкүлү Айбек Шаменов жетектеп, мамлекеттик органдардын өкүлдөрү жана укук коргоо кызматкерлери катышты.
Жыйында Ички иштер министрлигинин академиясынан келген адистер финансылык коопсуздук, интернеттеги кылмыштар жана калктын каржылык сабаттуулугун жогорулатуу боюнча маалымат беришти.
Өзгөчө көңүл төмөнкү маселелерге бурулду:
- Мамлекеттик органдардын атынан жасалган алдамчылык учурларынын көбөйүшүнө байланыштуу ар бир кызматкер кантип коргоонуну билиши керектиги;
- Массалык маалымат каражаттары аркылуу калкты финансылык коопсуздукка үйрөтүү зарылдыгы;
- Мектептерде жана ЖОЖдордо кибер алдамчылык жана жалган аккаунттар тууралуу түшүндүрүү иштерин жүргүзүү.
Мобилдик байланыш жаатында да коопсуздук чаралары сунушталды:
- SIM-карталарды каттоо биометрикалык маалымат аркылуу жүргүзүлүшү керек, корпоративдик номерлерди компанияга эмес, абоненттерге каттоо зарыл;
- Бир адамга 1 жыл ичинде 5тен ашык SIM-карта берилбеши керек;
- Чет өлкөлүктөргө SIM-картаны онлайн каттоого тыюу салуу сунушталды;
- Корпоративдик номерлер компаниянын эмес, жеке абоненттин атына катталышы зарыл.
Ошондой эле жыйында коррупцияга каршы мыйзамдардын аткарылышы боюнча прокуратура кызматкерлери маалымат берип, жаңы мыйзамдык өзгөрүүлөр тууралуу түшүндүрмө беришти.
