Бишкек, 13.10.25. /Кабар/. Баткен шаарында “Манас оюндары” мелдеши өтүүдө.
Дене тарбия жана спорт агенттигинен маалымдашкандай, спорттук иш-чарага Кыргызстандын 7 облус жана 2 шаарынан келген спортчулар катышууда.
“Манас оюндары” спорттун улуттук түрлөрү - айкүр, кыргыз күрөш, ордо, салбуурун жана тогуз коргоол боюнча өткөрүлүп жатат.
“Манас оюндары” кыргыз элинин байыркы тарых, салты, маданий баалуулуктарынан күч алган, улуттук спорттун түрлөрүн өнүктүрүүгө жана жайылтууга арналган ири республикалык спорттук иш-чара болуп эсептелет.
Аталган таймаш улуттук оюндарды жандандырып, ден соолукту чыңдоого багытталган.
Мелдеш бүгүн, 13-октябрда аяктайт.
