Бишкек, 10.10.25. /Кабар/. Президенттин Баткен облусундагы өкүлү Айбек Шаменов, Лейлек районунун Жети-Таш айылында жашаган Кудайназар Сыдыков атадан кабар алды. Анын 159 бала-бакырасы бар.
Өкүлчүлүктөн билдиришкендей, облус башчысы 100 жаштагы атанын ден соолугун сурап, бакубат жашоо каалап, белектерин тапшырды.
Кудайназар ата Улуу Ата Мекендик согуш мезгилинде тылда эмгектенип, согуштан кийинки калыбына келтирүү иштерине катышкан.
Ата 10 баланы тарбиялап өстүрүп, 40 небере, 103 чебере, 6 кыбыралуу болгон.
Белгилей кетсек,1-октябрь Эл аралык карылар күнүнө карата облус башчысынын буйругу чыгып, Баткен облусунда карыларга кам көрүүнүн бир айлыгы жарыяланган.
