Бишкек, 02.02.26. /Кабар/. Баткен облусунда былтыр 40,5 чакырым жаңы жол курулуп, 83,313 чакырым жолго асфальт төшөлдү. Бул тууралуу өкүлчүлүктөн билдиришти.
Маалыматка ылайык, 2025-жылга жалпы 61 жол объектисинде курулуш, оңдоо иштерин аткаруу пландалган. Тагыраагы, 92 км шагыл жолдорду куруу жана оңдоо, 118 км жолго асфальт төшөө каралган. Анын ичинде жылдан-жылга өтүп каржылануучу объекттер да бар. Бул объектердин жалпы сметалык баасы 4,8 млрд сомду түзөт.
Иш жүзүндө жыл ичинде 40,5 км шагыл жол куруу жана оңдоо, 83,313 км жолду асфальттоо иштери аткарылды. Жалпы каржылоо 1 299,8 млн сомду түздү. Калган жолдор 2026-жылдын планына аткарууга өттү.
