Бишкек, 31.07.25. /Кабар/. Президенттин Баткен облусундагы ыйгарым укуктуу өкүлү Айбек Шаменов ЮНИСЕФ уюмунун Кыргызстандагы өкүлү Самман Джунг Тапа менен жолукту.
Өкүлчүлүктөн билдиришкендей, Айбек Шаменов Баткен облусу ЮНИСЕФ менен алдыда балдардын укугун коргоо, саламаттык сактоо, билим берүү тармактарында активдүү кызматташууга даяр деп белгиледи.
Тараптар жолугушууда балдардын саламаттыгы, майыптуулугу, тамактануусу, аларга болгон зордук-зомбулук, адистердин жетишсиздиги темаларында сүйлөшүп, бул багытта көйгөйлөрдү жеңилдетүү боюнча кызматташтыкты улантууну жана балдардын өсүп-өнүгүүсү үчүн шарттарды жакшыртууну макулдашты.
Ошондой эле мүмкүнчүлүгү чектелүү балдарды калыптандыруу, коомго аралаштыруу багытында шарт түзүү зарылчылыгын белгилешти.
Тараптар жолугушуунун соңунда кызматташтыкты чыңдоо, кеңейтүүгө ишеничтерин билдиришти.
