Бишкек, 11.08.25. /Кабар/. Юстиция министрлигинин Баткен облустук башкармалыгынын жаңы административдик имаратынын курулушу аяктады. Бул тууралуу президенттин Баткен облусундагы өкүлчүлүгүнөн билдиришти.
Баткен шаарында жайгашкан административдик имарат, республикалык бюджеттин эсебинен курулду. Курулушка 36 млн 281 миң сом каралган.
Имаратта кызматкерлердин иштөөсү үчүн керектүү шарттар түзүлүүдө.
Жаңы имарат 31-август - Эгемендүүлүк күнүнө карата пайдаланууга берилүүсү күтүлүүдө.
