Бишкек, 12.08.25. /Кабар/. Баткен районуна караштуу Кара-Бак айылындагы маданият үйү толук капиталдык оңдоодон өттү. Бул тууралуу Курулуш, архитектура жана турак жай-коммуналыдк чарба мамлекеттик агенттигинен билдиришти.
Маалыматка ылайык, оңдоп-түзөө иштери 2024-жылы республикалык бюджеттин эсебинен башталып, тендердик баасы 16 млн сомдон ашкан.
Аянты 656 чарчы метрди түзгөн маданият үйү 320 көрүүчүгө ылайыкталып, заманбап талаптарга жооп берген техникалык жабдуулар менен камсыздалды.
Жакынкы күндөрү пайдаланууга берүү пландалууда.
