Бишкек, 01.10.25. / Кабар/. Президенттин Баткен облусундагы ыйгарым укуктуу өкүлүнүн биринчи орун басары Бактыбек Токсонбаев Франциянын Кыргызстандагы элчиси Николя Фай менен жолугушту.
Өкүлчүлүктөн билдиришкендей, Бактыбек Токсонбаев Баткен облусунун социалдык-экономикалык өнүгүшүнө Франция элчилигинин көңүл бурушун жогору баалап, Баткен облусунун өнүгүүсү, инвестициялык жана туристтик потенциалы тууралуу маалымат берди.
Ошондой эле Кыргызстан менен Франциянын ортосундагы маданий кызматташтыктын алкагында, Франциянын демилгеси менен Баткенде уюштурулуп жаткан сүрөт көргөзмө үчүн ыраазычылыгын айтты.
Тараптар мындан ары маданият, билим берүү, туризм тармактарында жемиштүү кызматташууну макулдашты.
