Бишкек, 15.08.25. /Кабар/. Баткен электр тарамктар ишканасынын имаратына күн панелдери орнотулду. Бул тууралуу Энергетика министрлигинен билдиришти.
Маалыматка ылайык, ишкананын чатырына жалпы кубаттуулугу 150 кВт болгон күн панелдери орнотулуп, алардын 75 кВт кубаттуулугу активдүү иштеп жатат.
Бул көрсөткүчтөн 35 кВт түздөн-түз ишкананын ички керектөөлөрүнө жумшалууда. Ал эми калган 40 кВт борбордук электр тармагына кошулуп, жалпы системага берилүүдө.
Бул — жаратылышты коргоо менен катар өлкөнүн энергетикалык туруктуулугуна кошкон олуттуу салым.
Мындан тышкары, кайра жаралуучу электр энергия булактарын колдонуу демилгесин Сүлүктү райондук электр тармактары да колдоого алды. Өзүнүн административдик имаратынын чатырына жалпы кубаттуулугу 50 кВт болгон заманбап күн панелдерин орнотууну ийгиликтүү жүзөгө ашырды.
