Бишкек, 28.03.26. /Кабар/. Башкы прокурордун орун басары З.Акназаров Эл аралык валюта фондунун миссиясынын өкүлдөрү менен жолугушту. Бул тууралуу Башкы прокуратурадан билдиришти.
Маалыматка ылайык, анда Эл аралык валюта фондунун консультацияларынын алкагында актуалдуу маселелер, анын ичинде коррупция, уюшкан кылмыштуулук, салыктык укук бузуулар жана башка ушул сыяктуу кылмыштарга каршы аракеттенүү, мыйзамсыз кирешелерди адалдоо фактылары боюнча иликтөөлөрдүн натыйжалуулугун жогорулатуу маселелери талкууланды.
Ошондой эле Кыргызстандын 2025–2030-жылдарга карата коррупцияга каршы стратегиясын ишке ашыруу, финансы чалгындоо органдары менен өз ара аракеттенүү, татаал трансчегаралык финансылык кылмыштарды иликтөө жана прокуратура органдарынын институционалдык мүмкүнчүлүктөрүн чыңдоо маселелерине өзгөчө көңүл бурулду.
Тараптар конструктивдүү диалогдун маанилүүлүгүн белгилеп, кызматташууну мындан ары улантууга даяр экендиктерин билдиришти.
