Бишкек, 14.10.25 /Кабар/. Ысык-Көл акваториясын тазалоо иш-чарасынын жүрүшүндө Балыкчы шаарынын аймагынан 4200 метр эски синтетикалык тор алынып чыкты. Бул тууралуу Ысык-Көл облустук милициясынан билдиришти.
Маалыматка ылайык, 6-октябрдан 13-октябрга чейин Ысык-Көл облусунда жаратылышты коргоо жана суу ресурстарын тазалоо максатында экологиялык иш-чара өткөрүлдү.
Иш-чарага Балыкчы шаардык ички иштер бөлүмүнүн кызматкерлери жана Ысык-Көл облусунун ички иштер башкармалыгынын Туристтик-экологиялык милициясы активдүү катышты.
Иш-чаранын жүрүшүндө Ысык-Көлдүн акваториясынан жалпы узундугу 4200 метрге жакын синтетикалык эски балык уулоо торлору алынып чыкты. Топтолгон таштандылар Балыкчы шаардык "Тазалык" кызматына тиешелүү тартипте өткөрүлүп берилди.
Бул аракеттердин негизги максаты — көлдүн экосистемасын коргоо, туристтик коопсуздукту камсыз кылуу жана мыйзамсыз балык уулоонун алдын алуу болуп саналат.
