Бишкек, 04.10.25. /Кабар/. Бүгүн Балыкчы шаарында Шаар куруу жана архитектура департаментинин Балыкчы шаардык башкармалыгынын жаңы имараты ачылды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Иш-чарага министр Нурдан Орунтаев, министрдин орун басары Бакай Турдугулов, департаменттин директору Замира Кангелдиева жана жергиликтүү башкармалыктын кызматкерлери катышты.
Имараттын курулуш иштери министрдин тапшырмасы менен 2025-жылдын февраль айында башталган.
Белгилей кетсек, буга чейин башкармалыктын кызматкерлери эски жана талапка жооп бербеген имаратта иштеп келген. Эми кызматкерлер жана жарандар үчүн бардык шарттары бар заманбап, ыңгайлуу кеңсе курулуп, пайдаланууга берилди.
