Бишкек, 18.07.25. /Кабар/. Балыкчы шаарына курула турган жаңы спорт комплексинин эскизи даяр болду. Бул тууралуу Курулуш, архитектура жана турак жай-коммуналдык чарба министрлигинен билдиришти.
Эскиздик долбоор Балыкчы шаардык курулуш жана архитектура башкармалыгы тарабынан иштелип чыкты.
Долбоордо 350 орундуу спорт залы, бокс, фитнес, күрөш, шахмат, теннис, бий жана йога залдары каралган. Объекттинин сырткы көрүнүшү заманбап стилде, жарык, экологиялык таза материалдар жана чоң айнек панелдери менен жасалып, табигый жарык менен визуалдык жеңилдикти камсыздайт.
"Бул спорт комплекси жергиликтүү аймактын спорттук инфратүзүмүн өнүктүрүүдө жана калктын активдүү жашоо образын колдоодогу маанилүү кадам болуп, шаар көркүн жаңылап, заманбап жана жагымдуу көрүнүшүнө салым кошот", - деп айтылат маалыматта.
