Бишкек, 08.04.25. /Кабар/. Нарын облусунун Кочкор районунда Балыкчы – Кочкор темир жолунун курулуш иштери уланууда, учурда 40-чакырымда бургулоо жана жардыруу иштери жүрүп жатат.
"Кыргыз темир жолу" ишканасынан билдиришкендей, Балыкчы – Кочкор темир жол линиясы өлкөнүн ички темир жол тармагын өнүктүрүүдө стратегиялык мааниге ээ. Келечекте бул каттам Макмал станциясы аркылуу Кытай – Кыргызстан – Өзбекстан темир жолуна кошулуп, өлкөнүн ичинде бирдиктүү темир жол тармагын түзүүгө жол ачат.
Бул ири инфраструктуралык долбоор Кыргызстандын экономикалык жана транспорттук мүмкүнчүлүгүн гана кеңейтпестен, аймактарды өнүктүрүүнү шарттайт.
