Бишкек, 15.05.26. /Кабар/. Кыргызстандын Балдар укуктары боюнча ыйгарым укуктуу өкүлү Асел Чынбаева "SOS Кыргызстандын балдар айылдары" коомдук фондунун 30 жылдыгына арналган "30 жыл – 30 кайрымдуулук иш" социалдык демилгесинин алкагында уюштурулган "Бирге даярдайбыз: камкордуктун даамы" аттуу кулинардык мастер-класска катышты.
Иш-чарага 12-15 жаштагы балдар, "SOS Кыргызстандын балдар айылдары" коомдук фондунун өкүлдөрү жана Кыргызстандын Балдар укуктары боюнча ыйгарым укуктуу өкүлү биргелешкен чыгармачылыктын жана баарлашуунун жылуу жана достук маанайында биригишти.
Асел Чынбаева балдар менен бирге тамактарды даярдоого жана десерттерди кооздоого катышып, катышуучулар менен баарлашты, алардын кызыкчылыктары, пландары жана кыялдары менен кызыкты.
Ар бир бала колдоону, көңүл бурууну жана өзүн эркин билдирүү мүмкүнчүлүгүн сезе турган мейкиндикти түзүүгө өзгөчө көңүл бурулду. Ашпозчунун жетекчилиги астында катышуучулар кулинардык көндүмдөрдү гана өздөштүрбөстөн, командада иштешүүнү, демилгени жана өз күчүнө ишенүүнү үйрөнүштү.
Иш-чара даярдалган тамактарды биргелешип даам татуу жана Кыргызстандын Балдар укуктары боюнча ыйгарым укуктуу өкүлүнөн балдарга белектерди – балдар китептерин тапшыруу менен аяктады.
