Бишкек, 02.09.25. /Кабар/. Кыргызстандын Коопсуздук кеңешинин катчысы Бактыбек Бекболотов бүгүн, 2-сентябрда Индиянын Улуттук коргоо колледжинин делегациясынын башчысы, генерал-майор Аджай Кумар Сингх менен Бишкек шаарында жолугушуу өткөрдү.
Жолугушууда кыргыз-индия эки тараптуу кызматташтыгынын учурдагы абалы жана келечеги, эл аралык өз ара аракеттенүү маселелери, ошондой эле актуалдуу чакырыктардын жана коркунучтардын таасирин эске алуу менен аймактык коопсуздукту камсыз кылуу маселелери талкууланды.
