Бишкек, 19.08.2025. /Кабар/. Кыргызстандын Коопсуздук кеңешинин катчысы Бактыбек Бекболотов бүгүн, 19-августта Индиянын элчиси Бирендер Сингх Ядав менен жолугушту.
Эки өлкөнүн ортосундагы соода-экономикалык жана маданий-гуманитардык тармактардагы өз ара аракеттенүү жана кызматташтыкты тереңдетүү маселелери талкууланды.
Бактыбек Бекболотов жана Бирендер Сингх Ядав ошондой эле аймактык коопсуздуктун актуалдуу маселелери боюнча пикир алмашышты.
