Сан-Таш — Ысык-Көл облусунун Кеген ашуусунда, Сан-Таш айылына жакын жерде жайгашкан байыркы археологиялык эстелик. Анын аталышы "саноочу таш" деген маанини билдирет.
Уламыш боюнча, 15-кылымда Темир хандын (Темурлан) буйругу менен аскерлери жортуулга чыгарда ар бир жоокер бирден ташты чоң дөбөгө таштаган.
Жоокерлер согуштан кайтканда, аман калгандары өз таштарын кайрадан алып кетишкен. Ал эми дөбөдө калган таштар каза болгон жоокерлердин символу болуп калган.
“Бир караганда өзгөчө нерсе жоктой сезилет, бирок адамдар көп келип, таштарды узакка карап турушканын байкайм. Бул жерде кандайдыр бир өзгөчө энергия жана күч бар”, - дейт жергиликтүү туристтердин бири.
Азыркы учурда Сан-Таш жөн гана тарыхый эстелик эмес, ал туристтер көп келген жайга айланды.
Жергиликтүү тургундардын айтымында, бул жерде узак жылдардан бери турган таштын жанынан жалгыз өскөн дарак көпчүлүктүн өзгөчө кызыгуусун жаратат.
Сан-Таш - бул адамдардын жана окуялардын символу. Ошондой эле согуштун баасын жана тарых китептерде гана эмес, таштарда да сакталып каларын эске салат.
