Бишкек, 21.11.25. /Кабар/. Күн мурун Япониянын Токио шаарында өтүп жаткан XXV Жайкы сурдлимпиада оюндарына катышкан Кыргызстандын сурдо дзюдо боюнча улуттук курама командасы кайтып келди. Бул тууралуу Дене тарбия жана спорт мамлекеттик агенттигинен билдиришти.
Спортчуларды "Манас" эл аралык аэропортунан Спорттун олимпиадалык түрлөрү боюнча дирекциясынын директорунун орун басары Канатбек Молдалиев, Спорттун олимпиадалык эмес түрлөрү боюнча дирекциясынын орун басары Каныбек Думанаев, Спорттун улуттук түрлөрү боюнча дирекциясынын өкүлдөрү жана спортчулардын үй-бүлөлөрү тосуп алды.
Команда мүчөсү Байсалбек Орозали уулу аталган оюндарда коло медаль уткан. Ал алгач эки атаандашын - Венесуэла жана Япониянын спортсмендерин жеңип, жарым финалда бразилиялык спортчуга утулуп калган.
Коло медаль үчүн таймашта Байсалбек Орозали уулу ирандык спортсменди таза "иппон" ыкмасы менен жеңип, үчүнчү орунду камсыздады.
