Бишкек, 04.02.26 /Кабар/. Бириккен Араб Эмираттарынын министрлер кабинетинин иштери боюнча министри Мохаммед Абдулла Аль Гергави Кыргыз Республикасы менен Бириккен Араб Эмираттарынын ортосундагы достукту жана кызматташтыкты чыңдоого кошкон зор салымы жана Кыргызстанда “Өкмөттүк акселераторлор” программасын ийгиликтүү ишке ашыргандыгы үчүн “Достук” ордени менен сыйланды.
Тиешелүү жарлыкка Кыргызстандын президенти Садыр Жапаров кол койду.
Кыргызстандын министрлер кабинетинин төрагасы Адылбек Касымалиев Кыргызстандын президенти Садыр Жапаровдун атынан БАЭнин министрлер кабинетинин иштери боюнча министри Мохаммед Абдулла Аль Гергавиге “Достук” орденин Дубай шаарында өтүп жаткан Дүйнөлүк өкмөттөр саммитинин (World Governments Summit) алкагында тапшырды.
