Бишкек, 15.06.26. /Кабар/. Кыргызстандын триатлон боюнча улуттук курама командасы Малайзияда өткөн Азия кубогунан байгелүү кайтты.
Дене тарбия жана спорт мамлекеттик агенттигинен билдиришкендей, мелдештин аралаш эстафетасында (Mixed Relay) Кыргызстандын курама командасы мыкты көрсөткүч көрсөтүп, коло медалга ээ болду.
Ал эми Development Cup Kampar турниринде кыргызстандык спортчу Темирлан Абдрахимов 1 саат 03 мүнөт 55 секунд көрсөткүчү менен 9-орунду ээледи.
Ошондой эле Asia Triathlon Junior Cup Kampar мелдешинде Татьяна Кокина 8-орунду (1:14:14), Ангелина Блиндул 10-орунду (1:15:03) камсыз кылышты.
