Бишкек, 12.07.25 /Кабар/. Күн мурун Бишкек шаарында 20 жашка чейинки балбандар арасында өтүп жаткан Азия чемпионатынын (U-20) алкагында кыз-келиндер күрөшү боюнча мелдеш жыйынтыкталды.
Дене тарбия жана спорт мамлекеттик агенттигинен билдиришкендей, жыйынтыгында Кыргызстандын командасы 4 медалга ээ болду: 1 алтын, 1 күмүш жана 2 коло.
Алсак, 68 кг салмакта Гүлнура Таштанбекова Азия чемпиону аталса, 72 кг салмакта Кайыркүл Шаршебаева күмүш, 55 кг салмакта Азиза Шумкарова жана 76 кг салмакта Айжаркын Жаныбекова коло медалдын ээси болду.
