Бишкек, 07.07.26. /Кабар/. Бишкекте коомдук транспортто жол киренин төлөнүү эрежелеринин сакталышын көзөмөлдөө боюнча рейддик иш-чаралар күн сайын, анын ичинде дем алыш күндөрү да өткөрүлүүдө.
Муниципалитеттен билдиришкендей, рейддердин жүрүшүндө айдоочулар жана жүргүнчүлөр менен жол кирени альтернативдүү ыкма аркылуу төлөө тартиби жана белгиленген талаптарды сактоонун зарылдыгы боюнча түшүндүрүү иштери жүргүзүлүүдө.
Белгиленгендей, 1-июлдан тартып Бишкек шаарынын муниципалдык автобустарында жол кирени альтернативдүү төлөө системасы расмий түрдө иштей баштаган.
Рейддик иш-чаралардын негизги максаттары:
- жол киренин өз убагында жана туура төлөнүшүн камсыз кылуу;
- жүргүнчүлөрдү тейлөөнүн сапатын жогорулатуу;
- коомдук транспорттун ишинин ачыктыгын камсыз кылуу.
