Бишкек, 07.11.25. /Кабар/. Кыргызстандын азык-түлүк өндүрүүчү компаниялары 50-10-ноябрь аралыгында Кытайда өтүп жаткан эл аралык импорттук көргөзмөгө (CIIE) катышууда.
"Кыргыз экспорт" экспортту өнүктүрүү жана илгерилетүү борборунан билдиришкендей, ата мекендик 15 компания өздөрү өндүргөн продукцияларды көрсөтүүдө. Анын ичинде бал жана бал азыктары, алкоголдук ичимдиктер, кол өнөрчүлүк буюмдары жана кыргыз усталарынын чеберчилигин чагылдырган териден жасалган буюмдар бар.
Көргөзмөгө катышуу өлкөнүн улуттук брендин жана экспорттук мүмкүнчүлүктөрүн эл аралык деңгээлде илгерилетүүнүн жаңы этабын билдирет жана Кыргызстанга Кытай базарында органикалык жана экологиялык таза товарларын кеңири жайылтууга жардам берет.
Кыргызстандык компаниялардын катышуусу "Кыргыз экспорт" борбору, КР Экономика жана коммерция министрлигинин Кытайдагы Соода өкүлчүлүгүнүн жана Кыргызстандын Кытайдагы элчилигинин колдоосу менен уюштурулду.
