Бишкек, 21.06.25. /Кабар/. Күн мурун Казакстандын борбору Астанада “Кытай – Борбордук Азия” маалымат агенттиктеринин форумунун алкагында “Синьхуа-Чанъандагы түн” маданий иш-чарасы өттү.
Иш-чара Кытайдын “Синьхуа” маалымат агенттиги жана Казакстандын президентинин Телерадиокомплекси тарабынан уюштурулуп, ага Кыргызстан, Казакстан, Кытай, Өзбекстан, Тажикстан жана Түркмөнстандын маалымат каражаттарынын өкүлдөрү катышууда.
Маданий кечеде Кытайдын бай маданий мурастары, салттуу музыкасы, бийи жана улуттук көркөм өнөрү тартууланды.
Ошондой эле Кытайдын тарыхый мурасын, салт-санаасын жана көркөм өнөрүн даңазалоого багытталды.
Коноктор үчүн улуттук бийлер, музыкалык чыгармалар, театрлаштырылган көрүнүштөр жана салттуу кийимдер менен жасалгалар тартууланды. Чанъан образы аркылуу Кытай цивилизациясынын бай тарыхы көрсөтүлүп, маданияттар ортосундагы байланыштарга басым жасалды.
Иш-чаранын негизги максаты — өлкөлөр ортосундагы маданий жакындыкты арттырып, маалымат каражаттары аркылуу элдердин өз ара түшүнүшүүсүнө көмөктөшүү.
