Бишкек, 03.12.25 /Кабар/. Улуттук коопсуздук боюнча мамлекеттик комитети "Асем" тиричилик комбинатын Каракол шаардык мэриясынын балансына өткөрдү.
Атайын кызматтан билдиришкендей, анын имаратынын аянты 4028 чарчы метрди, жер тилкеси 0,5 гектарды түзөт.
Шаардын борборунда жайгашкан аталган комбинат 1993-жылы Мамлекеттик мүлк фонду тарабынан мыйзамсыз сатылып кеткени аныкталган.
Тиешелүү тергөө иш-чараларынын жүрүшүндө "Асем" тиричилик комбинатынын имараты жана анын аймагы Каракол шаардык мэриясынын балансына ыктыярдуу түрдө өткөрүлүп берилди.
