Бишкек, 01.06.25. /Кабар/. 30-май күнү Бишкектеги Каба уулу Кожомкул атындагы спорт ордосунда аркан тартыш боюнча өлкө чемпионаты болуп өттү.
Дене тарбия жана спорт мамлекеттик агенттигинен билдиришкендей, мелдеш Кыргыз спортунун 100 жылдыгына карата уюштурулду.
Мелдешке республиканын бардык аймактарынан келген спортчулар катышты. Жеңүүчүлөргө Спорттун олимпиадалык эмес түрлөрү боюнча дирекциясы тарабынан тиешелүү даражадагы диплом жана медалдар тапшырылды.
Жеңүүчүлөрдүн тизмеси:
680 кг (эркектер арасында):
Чүй облусу;
Нарын облусу;
Бишкек шумкар.
560 кг (кыз-келиндер арасында):
Бишкек шумкар;
Айкөл;
Алмаз.
720 кг (эркектер арасында):
Чүй облусу;
Жалал-Абад Таш Көмүр;
Бишкек шумкар.
