Бишкек, 15.10.25 /Кабар/. Араван районунун Сырт айылында 150 орундуу жаңы мектептин курулушу башталды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка караганда, объекттин тендердик баасы 109 млн сомду түзүп, республикалык бюджеттен каржыланууда.
Долбоорго ылайык мектеп эки кабаттуу, үч блоктон турат. Мугалимдер жана окуучулардын билим алуусу үчүн бардык шарттар каралат.
Курулуш иштери Турак жай-жарандык курулуш департаментинин көзөмөлүндө "Перспект проект" ЖЧК тарабынан жүргүзүлүүдө.
