Бишкек, 07.03.26. /Кабар/. Араван районунун Достук айыл өкмөтүнө караштуу Даңги тилкесинде суу сактагыч курулат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Ведомствонун маалыматында белгиленгендей, министр Эрлист Акунбеков суу сактагыч курула турган жер тилкесин көрүп, тиешелүү мамлекеттик органдарга долбоорду ишке ашырууну тездетүүнү тапшырды.
Суу сактагыч курулса, аймактагы сугат маселесин чечүү жана айыл чарбасын өнүктүрүүгө кеңири мүмкүнчүлүк түзүлөт.
