Бишкек, 03.06.26. /Кабар/. Министрлер кабинетинин төрагасы Адылбек Касымалиев Баткен облусуна жасаган иш сапарынын алкагында бир катар социалдык объектилерди кыдырды.
Минкаб башчысы стратегиялык маанидеги Миң-Өрүк–Самаркандек жолунун курулушун текшерди.
Миң-Өрүк–Самаркандек унаа жолунун узундугу 3,2 чакырымды түзүп, долбоордо эстакадалык көпүрөнүн курулушу дагы каралган.
Курулуп жаткан жол азыркы пайдаланып жаткан каттамга караганда Лейлек районуна 3 чакырымга, ал эми Самаркандек айыл өкмөтүнүн аймагындагы айылдарга 17 чакырымга кыскарат.
Бүгүнкү күндө зоону жардырып жол куруу жана көпүрөнүн таянычтарын тургузуу иштери кызуу жүрүп жатат.
