Бишкек, 22.12.25. /Кабар/. Жаңы жыл жакындаган сайын өлкөгө майрамдык товарлардын агымы көбөйүүдө. Бул бажы статистикасынан байкалат.
Бажы кызматынан билдиришкендей, ноябрдын башынан бери ташылып келген продукцияларды талдап чыгып, майрам алдындагы эң популярдуу делген топ-5 товардын тизмеси түзүлдү.
Жасалма балатылар, оюнчуктар, гирляндалар жана башка жасалгаларсыз Жаңы жылды элестетүү мүмкүн эмес. Ноябрдан баштап 18-декабрга чейин өлкөгө жалпысынан 46 тонна ушул багыттагы товарлар ташылып келген.
Майрамдык менюнун негизги бөлүгүн түзгөн жемиштердин импорту да кыйла өстү. Ушул эле мезгилдин ичинде төмөнкүлөр алып келинди:
- 474 тонна ананас;
- 442 тонна апельсин;
- 218 тонна курма;
- 7 миң тонна мандарин.
Негизги жеткирүүчүлөр: Кытай, Өзбекстан жана Түркия.
"Бажы кызматы майрамдык маанай ар бир үйгө кечикпей жетүүсү үчүн товарларды өз убагында тариздөөнү жана тоскоолдуксуз өткөрүүнү камсыз кылууда",-деп айтылат маалыматта.
