Бишкек, 12.09.25. /Кабар/. Алымбек датканын мааракесине Өзбекстандан расмий делегация келди.
Президенттин Ош облусундагы өкүлчүлүгүнөн билдиришкендей, бүгүн, 12-сентябрда Өзбекстандын Андижан жана Фергана облустарынын расмий делегациялары Алымбек датка Асанбий уулунун 225 жылдык мааракесине катышуу үчүн келишти.
Өзбекстандык меймандарды мамлекеттик “Достук” чек ара өткөрмө пунктунан расмий түрдө тосуп алуу аземи уюштурулуп, делегация мүчөлөрүнө кыргыз элинин меймандостук салтына ылайык сый көрсөтүлдү.
Белгилей кетсек, өзбек делегациясы президенттин Ош облусундагы өкүлү Элчибек Жантаевдин расмий чакыруусунун алкагында келишти.
