Бишкек, 11.09.25. /Кабар/. Алымбек датканын 225 жылдык мааракесине карата өткөн көк бөрүдө Алай командасы жеңүүчү болду.
Аймактагы өкүлчүлүктөн билдиришкендей, Алай районунда Алымбек датка Асанбий уулунун 225 жылдыгына арналган облустук көк бөрү мелдешинин финалдык беттешинде Алай-1 командасы Кара-Кулжа командасын 3:2 эсебинде утуп, чемпиондук наамга ээ болду.
Мелдешке жалпы 8 команда катышып, жыйынтык төмөнкүдөй болду:
- 1-орун: Алай-1 — 600 миң сом;
- 2-орун: Кара-Кулжа — 400 миң сом;
- 3-орун: Өзгөн — 200 миң сом;
- 4-орун: Ноокат — 100 миң сом.
Ал эми калган командаларга 50 миң сомдон берилди.
Иш-чарага президенттин Ош облусундагы өкүлү Элчибек Жантаев катышып, оюнчуларды куттуктап, жеңүүчүлөргө сыйлыктарды тапшырды.
