Бишкек, 12.09.25. /Кабар/. Күн мурун Ош облусунун Алай райондук маданият үйүндө Алымбек датканын 225 жылдык мааракесине арналган эл аралык акындар айтышынын жарым финалы болуп өттү.
Маданият, маалымат жана жаштар саясаты министрлигинен билдиришкендей, иш-чарага Кыргызстан жана башка өлкөлөрдөн келген таланттуу акындар катышып, өз өнөрлөрүн көрсөтүштү.
Финалга өткөн акындар:
- Изат Айдаркулова
- Чыңгызхан Кожошев
- Асылбек Маратов
- Акматбек Султан уулу
- Жылдызбек Төрөканов
- Алтынбек Ибрагимов
- Тынарбек Бураев
- Кутман Садыбакасов
Белгилей кетсек, айтыштын финалдык бөлүгү 12-сентябрда, Алай районундагы Алымбек датканын жайлоосунда өтүп , байге фонду — 6 миллион сомду түзөт.
