Бишкек, 23.06.25. /Кабар/. Алтын-Ордо конушундагы Кадыр-Ата көчөсүндө жол оңдоо иштери жүрүүдө.
Муниципалитеттен билдиришкендей, учурда узундугу 1,1 чакырымга созулган жолдун жер кыртышын иштеп чыгуу жана кайра толтуруу иштери жүрүп жатат. Бордюрларды жана ирригация системасын орнотуу иштерин баштоо пландалууда.
Курулуш иштеринин жүрүшүндө жашоочулардын коопсуздугу жана ыңгайлуулугу үчүн жолдун эки тарабына тротуар уюштурулуп, ирригация системасы орнотулат.
