Бишкек, 09.07.25. /Кабар/. Бишкек шаарындагы Алтымышев көчөсүнүн түштүк тарабында тротуар капиталдык оңдоодон өткөрүлүүдө.
Муниципалитеттен билдиришкендей, жумуштар аталган көчөнүн Асаналиев көчөсүнөн Садырбаев көчөсүнө чейинки бөлүгүндө жүргүзүлүүдө.
Учурда жумушчулар эски асфальтты сыйрып, ирригациялык системаны орнотуп, бордюрларды орнотуу иштерин бүтүрүп, тротуардын негизин даярдап жатышат.
Даярдоо иштери аяктагандан кийин бригада асфальт-бетон төшөлмөсүн төшөөгө киришет.
