Бишкек, 12.08.25. /Кабар/. Кыргызстанда багбанчылык боюнча адистер алма бактарын күзүндө, түшүм жыйноо аяктагандан кийин жана туруктуу үшүк түшкөнгө чейин бутоо иштерин жүргүзүүнү сунушташат.
Суу ресурстары, айыл чарба жана кайра иштетүү өнөр жайы министрлигинен билдиришкендей, бул учурда куураган, оорулуу, сынган, ошондой эле бактын үстүн калыңдаткан же ичине карай өскөн бутактар алып салынышы керек.
Мындай иш бактын үстүн жарыкка жана абага жакшы чыгарып, оорулар менен зыянкечтерден сактайт жана дарактын кышка даярдыгын жакшыртат.
Ири бутактарды кабыкты жулуп албоо үчүн бир нече жол менен аралап кесүү сунушталат. Калыңдыгы эки сантиметрден ашкан кесилген жерлерди антисептик же боёк менен иштетүү зарыл. Бутоодон кийин сөңгөктү жана ири бутактарды актап, аба ырайы кургак болсо мол сугаруу пайдалуу.
Суук климаттуу аймактарда күзүндө санитардык гана бутоо жүргүзүлүп, калыптандыруу иштерин кыштын аягына калтыруу туура. Бул жаңы кесилген жерлердин үшүктөн жабыркабашына жардам берет.
