Бишкек, 07.10.25 /Кабар/. Ош облусуна караштуу Алай районунун Гүлчө айылында райондук прокуратуранын жаңы имараты курулат.
Курулуш министрлигинен билдиришкендей, учурда объекттин эскиздик долбоору иштелип чыкты.
Долбоор Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Алай райондук башкармалыгы тарабынан даярдалды.
