Бишкек, 11.09.25. /Кабар/. Бүгүн Алай районунун Калама жайлоосунда Алымбек датканын 225 жылдык мааракесине арналган иш-чаралар башталып, Калама жайлоосунда этно-шаарча түптөлдү. Бул тууралуу президенттин Ош облусундагы өкүлчүлүгүнөн билдиришти.
Иш-чаранын алкагында 170тен ашык боз үй тигилип, улуттук оюндардын тандоо турлары кызуу жүрүүдө.
Облус жетекчиси Элчибек Жантаев ордо, тогуз коргоол, алыш бел боо күрөшү жана салбуруун оюндарын көрүп, катышуучуларга ийгилик каалады.
Финалдык беттештер 12-сентябрда өтөт.
