Бишкек, 15.08.25. /Кабар/. Бүгүн транспорт жана коммуникациялар министринин орун басары Бекжан Рысмендеев Жыргалаң тоо-лыжа базасына жана "Ала-Тоо Резорт" кластерине баруучу жолдордун курулуш иштеринин башталышына расмий старт берди.
Ведомстводон маалымдашкандай, аталган долбоордун алкагында Каракол – Эңилчек, Ак-Булуң – Токтогул, жана Каракол – Раздольный – Советский – Сырзавод жол тилкелери толук реконструкцияланат.
Белгилей кетсек, эскилиги жеткен эки тилкелүү Каракол – Эңилчек жана Ак-Булуң – Токтогул унаа жолдору 4 тилкелүү болуп, 2- категорияга кɵтɵрүлүп реконструкцияланат.
Ал эми Каракол – Раздольный – Советский – Сырзавод тилкеси учурда 4-категориядагы жол болсо, жаңылангандан кийин 3-категорияга көтөрүлөт.
Жол куруу иштери China Construction Eighth Engineering Division Co., Ltd. кытай компаниясы жана жергиликтүү "Бай Таш Строй" ЖЧКсы тарабынан жүргүзүлɵт.
