Бишкек, 26.06.25. /Кабар/. 3-4-июль күндөрү бардык инвесторлор 4 мезгилде тең иштей турган Жыргалаң айылындагы “Ала-Тоо Резорт” курорту курула турган жерге чакырылат. Бул тууралуу “Ала-Тоо Резорт” мамлекеттик ишканасынан билдиришти.
Маалыматта белгиленгендей, Борбор Азиядагы эң ири долбоорго катышууну каалаган инвесторлор Ак-Суу районундагы Жыргалаң өрөөнүндөгү сатылып жаткан жер тилкелерин, жаратылышы кооз, ажайып керемет жерден орун ала турган курорттук шаарча жайгаша турган жерди өз көзү менен көрүп кетет.
Анда атайын адистер долбоор менен кенен тааныштырышат.
Байланыш үчүн телефондор: 0558008070; 0554482676.
