Бишкек, 21.08.26. /Кабар/. Бишкек шаарынын мэриясы борбор калаанын тургундарын жана конокторун жайкы кечтерди жандуу музыканын коштоосунда, жагымдуу маанайда өткөрүүгө чакырат.
Муниципалитеттен билдиришкендей, 21 жана 22-август күндөрү Ала-Тоо аянтындагы фонтандын жанында ачык асман алдында музыкалык кечелер өтөт.
Шаар тургундары жана коноктору үчүн кыргыз эстрада ырчыларынын жана чыгармачыл жамааттардын катышуусунда концерттик программа даярдалды.
Үй-бүлөңүздөр жана досторуңуздар менен бирге келип, жагымдуу кечке күбө болуп кетиңиздер.
