Бишкек, 10.08.26. /Кабар/. Борбор калаанын тургундары жана коноктору үчүн Ала-Тоо аянтында ачык асман алдында музыкалык кече уюштурулду.
Муниципалитеттен билдиришкендей, кеченин жүрүшүндө шаар тургундарына белгилүү эстрада ырчылары жана музыкалык топтор өнөр тартуулашты. Алардын арасында Назира Жетигенова, "Доор" ансамбли, Карина Өмүрзакова, Айзада Касаболотова, Жылдыз Тутуева жана Батыр Өмүрзаков бар.
Майрамдык маанай шаар тургундары менен борбор калаанын конокторун бириктирди. Келгендер музыка угуп, бийлеп, ырчыларга кошулуп ырдап, жагымдуу жана жылуу маанайда кеч өткөрүштү.
Ачык асман алдындагы музыкалык кечелер белгиленген графикке ылайык, ар жума күнү жана ишемби күндөрү өтүп турат.
